1 Apka sath Nibhayenge………

“ Phoolon ka kya hai, wo to murjha jate hain,

Hum to khushboo bankar apke sath rahenge!!”

“ Humrahi ka kya hai, wo to modd par sath chodd jate hain,

Hum to saaya bankar apke sath chalenge!!”

“Khwabo ka kya hai, wo to aksar toot jate hain,

Hum to tamanna bankar apke dil me basenge!!”

“Aasuon ka kya hai, wo bhi ankhon se gam me beh jate hai,

Hum to muskan bankar apke hothon pe milenge!!”

“Jism ka kya hai, wo bhi maut ane pe chodd jata hai,

Hum to rooh bankar apke sath nibhayenge!!”

“Sath rehne ka kya hai, kuch pal to juda ho hi jate hain,

Hum to Fizaa bankar har pal apne hone ka ahsaas dilayenge”

                                                                                     -Dil Ki Kalam Se(Neel)